في جمالك شي ماشفته ياعمري بالحريم
كن ربي لجل عيني ياعيوني فارقه
العيون السود والنظره بها عيني تهيم
فيها من لمع الهنادي والمزون البارقه
في عيونك يالمهاه الحب والشوق العظيم
ماكذبت ان قلت انك من عيونك خارقه
والرموش اللي بها الاوصاف صعبه تستقيم
عشق من حبك وشوقه في خفوقه حارقه
كنهن روس الذوايب من يحركهن نسيم
كن شمس الصبح مابين الحواجب شارقه
والخدود اللي لهن بالغيم الابيض والسديم
لون والا اللمس انعم من هبوب ن طارقه
والشفايف كالكرز والتوت فوق الاسكريم
ياخذن دم الغزال اللي قدر له مارقه
والنحر ينشاف فيه الماء وورود القصيم
به تمايل ولعيوني ياعيوني سارقه
والخصر مربوب ضامر للشحم صاير غريم
لاتثني خيزران ولا غصون ن غارقه
والردوف رجوم برحي لاخلاص ولابريم
كنهن من زبد ذايب من دموع ن هارقه
والله انه في جمالك شي يتحدى الصميم
والانوثه منك تقطر ماهي عنك مفارقه
كل حسن ن عند حسنك ياغلا محمد ذميم
وكل لمسه من جمال تكون منك شارقه
في جمالك شي ماشفته ياعمري بالحريم
كن ربي لجل عيني ياعيوني فارقه
العرض العادي
