( أصـــــيله )

[الحر المقيد]

يا اصيلة ..
يا نبيله..
يالروايات القديمه
والحكايات الجميله
انتي أنعم من خميله
وأنتي أعذب من أجي له
لو سألتك يا نديمه
والهوى هفهف نسيمه
ليه وجراحك أليمه
كلما سجيت في تذكار ليله !!
ما ترديـــن بجــــوابك؟
في سرابك .. من سرى بك ...؟
أو حكى بك .. أو وشى بك !!
.. ليه تحتار المعاني في عتابك !!
كم أعدت القول بعدك في غيابك !!
وينها شمس الأصيله ؟
...وينها الطرف الكحيله ؟
إن سألتك وأنتي أدرى ..
والأسى يكتب ويقرأ
ما سألت الحنّا بالكف النحيله
و الضفاير .. والجديله!!
وش جرى في كل ذاتك ..
ومن سرق حلمك وفاتك
وين هذيك الوجيله ..
والعيون السلسبيله
لو ملكتي شمس والقمراء بيدك
ما عرفتي من يودك !! أو يردك!
كيف هانت عين في نهر الهميله
وكيف تاهت نفس وانتي مستحيله
ما بإيدي شيء..
لو بيدي وسيله
كنت اعرف وش تغيّر
كنت أدرك ما يدبر ؟
كنت امسك يد
وانفاسي قتيله.