قصيدة شعرية موجهة لسعادة مدير الشرظة محافظة الرس العقيد/ صالح سليمان القرزعي لما تفضل به من عمل طيب لمصلحة الوطن والمواطن وعمل ميداني واداري وجنائي
يصالح القرزعي ياذرف الايماني=ياذخر الاجواد والناس العزيزيني
الطيب لهله وللي ذكرهم باني =مثلك وشرواك بانت لك براهيني
والبيت ماثيبت الا فوق عمداني=وانته عموده وتكفي عن عموديني
ذئباً ولد ذيب وإحصاناً من إحصاني=وصقراً يصيد الحباري والكراويني
وضلعاً نسيم الهواء ماهزََه ولاني=في ضل ضلعاً وبضلاله ضلاعيني
أبو سليمان مروي كبد عطشاني=رجلاً كريم ومن رجالاً كريميني
إلى زاره الضيف قام وخاطره زاني=ورحَب بترحيبه الغالي لغاليني
وقلَط صحون العشاء خرفاناً اسماني=وجوه الجماعة على الدعوَة ملبيني
قلته وقالوه جيرانه وجيراني=وضيوفه اللي مشوا واللي مقيميني
ابي اشكره وامدحة من قلب واللساني= وأبي أشهر الصوت حتى الناس توحيني
واكتب مكاتيب واسجَل بديواني= وابذكر اللي سمعت وشافته عيني
والله ماقلته على شانه ومن شاني=لكن أحب الصلاة مع المصليني
عز الله انه وفاء بالعهد ماخاني=مشاء بحكم الشريعة والقوانيني
ماصدَق افلان وألاكذَب افلاني=ولاعاف الأقصين واختار المواليني
وهذي سلوم العرب حضراً وبدواني=حقّا وواجب على كل المسلميني
وترى البشر فيهم مفتّح وعمياني=والناس بعقولها وتقول راضيني
والخاتمه والاخيره وضع الإنساني= في حفرة فوقها لبنه من الطيني
الشــــاعـــر/حمد مطر الحريص
العرض العادي
