المجنونة الزينة

[روح التميمي]

ياللي لـك شهـور لاطّلـة ولا بينـه=رحتي وحـل القلـق والهـم بغيابـك
من دونك الوقت يـا طولـه وياشينـه=يظلم إلى غاب طيفـك وانقفـل بابـك
كنـي يتيـم وضامـه جافـي سنينـه=ليمن فقدتـك وشيـن الحـظ ماجابـك
وأرجـوك تكفيـن شوقـي لاتعذلينـه=ولهٍ على شوفتك .. ورضاك .. وعتابك
أمشي بـدرب يبـاري درب تمشينـه=وآقـف بأمـرٍ تسوقـه رفّـة أهدابـك
أحب حرفك وأشـوف اللـي تشوفينـه=ياحلو بوحـك إلـى سقتيـه لأحبابـك
ماخون عهدك ولـو شفتـك تخونينـه=وما اسمح لقلبي بشين الظـن يغتابـك
وماهو جديدٍ هواك بقلبـي مـن حينـه=أنا قتيلك .. ومجنونـك .. ومنصابـك
ياالروح .. يالشوق .. يالمجنونة الزينه=روفي بقلبٍ على المسحوب غنى بـك

5/4/2007م