مرثيه بالفنان حمد الطيار رحمة الله

[yhb123456]

ياقلم فوق الورق سر وعبر عن جوابي = مالقينا بالكتاب ازيادة حروف نجيبه
كلها عشر وعشر مع ثمان بالكتابي= محكم التنزيل نزلها على سيرة حبيبه
في صباح اثنين واحد من محرم بالحسابي= رجني علم دهاني فركز القلب بلهيبه
قالو الطيار مات وضاق جسمي في ثيابي= وصارت الدنيا بعيني مثل من صاده حريبه
ودع الدنيآوودع عزوة له والشبابي = وشالته كف القدر ماوطى درب صعيبه
وانزعو عنه الملابس كلها هي والثيابي = وغسلوه وكفنوه بقطعة قماش لبيبه
ورجوه بظهر حدبا مالها راس وجنابي= اربعه من خيرة الاجواد وكلن يعتني به
ونزلوه بحفرة مابها غير الترابي= ووسدوه اللبن من عقب الوسايد مع حبيبه
وهلهلو فوقه تراب الحفره من قبل الغيابي= وعساها حفرة من بعدها جنات طيبه
والقبر اسقوة بارد فيه من فيض السحابي= وركزو فوق الطوارف كل ركن له نصيبه
ثم قفوا كل واحد شارب له سم دابي = وغرغرت بصدورهم عبارات من كبر المصيبه
يالله اني طالبك دعوة لي تستجابي = يامحل العفوالي حلت على ابن أدم كريبه
سكنه جنات خلدك عن وهج نار العذابى= شاهد لك لااله الاانت وغيرك مايثيبه
غافر الزلات بدنيا كل مافيها هبابي= عفوك اكبر من خطأه ولو له اعمال رهيبه
ثبته عن وحشة البرزخ على حكم الصوابي= يوم ذا يصرخ وذا يغشي وذا تسمع نحيبه
وعسا ياخذ كتابه في يمينه للذهابي= يوم يسأل ويش سوا بعيشة الدنيا الغريبه
في قصور الحمد مسكانه مع الحور الترابي= حور عين يباطننه مابها خوف وريبه
ذا وصلو عد ماسار القلم يكتب جوابي = بعزة محمد نبي الدين بلا زود نجيبه

[راعي الرمشا]

[.............بسم الله الرحمن الرحيم..................

صح لسان شاعرها والله يغفر لابو ناصر ويدخله جنات النعيم واموات المسلمين..... انطفت شمعة الفن الشعبي بعده وبعد الفنان سلامه العبدالله.

تقبل مروري ,,,,,,,,,,وللكل تحياتي ,,,,,,,,,,,