ياعيوني دورى درب السهارا=واسكبي من فيض دمعاتك وهاتي
اشتعل من ضارم اللوعات نارا=بين محني الضلوع المحدباتي
لاسقي الله شوفته ذاك النهارا=ريمه بعيونها رمح الزناتي
تدرج بالقاع وخلق الله حيارا=كل منهم صامت وعض الشفاتي
شفتها تمشي وبالممشا تدارا=من ثلاث شفتهن امبرقاعتي
ثالثتهن صوبتني بالجهارا=والعباد اركوع ونستني صلاتي
العيون الخرس واشعها حمارا=من وراء البرقع اسيوف امغمداتي
صرت انا وياه بالممشي نتبارا=خازرة بالعين من دون التفاتي
قلت اباسلم وباخاطراشهارا=واكتم الاصوات عن كشف الشماتي
قلت له اهلين ياخشيف الزبارا=والحظتني بالعيون الناعساتي
وارمعت لي بالاصابع ببتهارا= ابعد ابعد لايشوفنك خواتي
قمت اجاذبها بعبرات المدارا=والحذر خيم علي صدري وماتي
له دنيت وقلت ياسيد العذارا=ماعليك اذنوب خليها زكاتي
شربة احيي بها عمر توارا=من ثمان ذوبهن يدفع مماتي
استدارت كنها فلوة امهارا=العبث والغي كمن وسط العباتي
صفحت معهن ولي قر القرارا=اني اخو النجوم الساهراتي
ضاق جو القاع وقوض بالغبارا=يوم قفت واتبعت درب البناتي
حرت انا في ماقفي غصب اجبارا= وصارت اقدامي بقيد اموسراتي
المصايب والبلاوي والدمارا=مسكنه قلب رهين الغانياتي
بو حمد يالغضورى ياخير جارا=مدني بفزوع خيل مسرجاتي
اوعلي يوكن خضر صنع النصارا=من حفيزات الجميحي هو مناتي
غلقه بنزين ولا ينقص اعيارا=وشيك ازيوته وعب الناقصاتي
وزوده دولاب بالرفرف يسارا=ولا دواليبه تصير امكسراتي
شيشه الريان عندك لاتدارا =لاتكاسل يازبون المحصناتي
نقطع المسراء لو طال المزارا=وشد حيلك لليال المقبلاتي
دونها بحرين وانهار وتجارا=ودونها حدب السيوف المرهفاتي
نقصد اللي شوفته شوفت احبارا=شافت الصقار بروض معشباتي
او شبه حمرا رعت زهر الخضارا=مارعبها ملح تفاق الرماتي
البشر مخلوق من طين هيارا= واللله اللي زادها حسن الصفاتي
العرض المتطور
