مـا يـخـالـف

[ابن الخطيب]

اشكي عتابك لا سمعته من النّاس=حتّى تسيّدت الحكي والسوالف
قالوا تخالف؟ تنذكر بين الاجناس=وشلون تتعرّف علي دون اخالف؟
الله خلق بي ذوق راقي وحسّاس=لذلك اليا اخطيت لابدّ اوالف
فان قلت لك قدرك على العين والراس=ماهو ضعف منّي ولا هو تحالف
اعطّر الجوّ الرديّ لاجل الانفاس=تدوج في صدرٍ من الضيق تالف
وساطتك علم وشهادة تمرّاس=وانا وسيطي قلبٍ ابيض موالف
حاولت ابعّد وجهة انظار خيّاس=واثرك على قطع المواصيل حالف
كانك تبي ترضي غرورك فلا باس=بعض المهازل كثرها ما يخالف