طار الحمام اللي منول زغاليل
طار الحمام اللي منـوّل زغاليـل=ولا بقى ما طـار غيـر العـواده
ولا بقى غيـر الحمـام الهداويـل=اللي توقـف مـا بقـى بـه ولاده
باللي مضى يا حلوهن بالسراويـل=بياضهن يسطـع بزاهـي سـواده
لما غدا جلـد وريـش شعاويـل=مثل الزعيـري والجـراده جـراده
لو يشتغل غازك من الصبح لليـل=ما كنـك إلا طابـخٍ لـك عـراده
الدين إلى كلتـم توفّـون بالكيـل=ولا تولّونـه حـمـود وحـمـاده
يابوجهاد الله يعـدّل لـك الميـل=ما نيب مثل اللي ببـاب الزيـاده
شفّي طبـق رزٍّ عليـه التشاكيـل=فوقه لحم حاشي ومسلوق سـاده
معها زغاليلٍ تقـوّي لـي الحيـل=والمعكرونه تستـوي فـي ركـاده
وقريعةٍ ريحه مثل ريحـة الهيـل=تنفع لأبوك وينتعـش بـه فـواده
يِطبخ ولا هو مثل طبخ الجماميـل=يجيـك نـيٍّ تكـره مـن سـواده
حوفٍ يوافق حوف حلو التعازيـل=أمك تطيب الروح من طيـب زاده
لكن أنا بنصحك بالحيـل بالحيـل=لا يدري أهل النمنمـة والحسـاده
هذا مرادي جعلهـا لـك تساهيـل=خابرك خيّـر مـا تحـب القـراده
واعرف ترى مزنه عجاج معه سيل=واعرف ترى للخير معها شهـاده
24/4/1419هـ
العرض العادي
