من غير حبك خالياتٍ يديــــّـــا

[روح التميمي]

من غير حبك خالياتٍ يديــــّـــا

ياللي تبي قلبي وأنا لك مخلّيـه=تراه عنـدك مـا تعـدّا العليّـا
خليت قلبي لك وأبي منك تغليـه=حيث إنك الغالي عليـه وعليّـا
خله معك يدله وقول أنت راعيـه=يذوق من وقت السعـاده شويّـا
ماغيرك اللي غالي القلب نهديـه=لو كان شوفك يا بطا مـا تهيّـا
خله بدالي في مكانـك تناجيـه=لاصرت عني مثل نجـم الثريّـا
وصلك بعيد ولا معي حيلةٍ فيـه=من غيـر حبـك خاليـاتٍ يديّـا
راحت حياتي بالظما والمشاريـه=ماشفت قلبٍ فـي غـلاه آتفيّـا
جعل الرجا بك والي العرش يدنيه=يوم إن حظي بالمواصيـل عيّـا

محمد العيدالعزيز العبيداللـه – عنيزة – 6-8-1429هـ