ليتك رخيص عندنا يوم صديت ..!

[روح التميمي]

ليتك رخيص عندنا يوم صديت ..!

ليتك رخيص عندنا يوم صديت=ليتك مثل غيرك من الناس عادي
أو ليتني في حبكم ما تبلّيت=ياليت قلبي باسمكم ما ينادي
ياليت قلبي خاليٍ منك ياليت=يومك نويت الصد وأصبح وكادي
لكن حبيبٍ في ضميري تولّيت=أنت المنى كله وغاية مرادي
ما لي بدونك فرحةٍ لو تسلّيت=صار الفرح عقبك بعيد المقادي
شوفك يداويني ولو ما تداويت=وبعدك حرم عيني لذيذ الرقادي
يا ما حيا ليلي عباري وتنهيت=عقبك .. وقبلك مستريحٍ فوادي
ذكراك تبرى لي معي وين حلّيت=لو كان كلٍّ راح منّا بوادي
أرسيت ودّك في ضميري وقفّيت=ليتك قبل تقفي خذيت الودادي