ضفيرة القلب ملتمسه ومحتاسه

[ياسر التميمي]

ونيت ونة صويب منكسر ساقه=من الوجع كسر اضروسه من اضراسه
على حبيب ما اطيق الصبر بفراقه=من صغرته ما ذكر درب الدنس داسه
ساعة لاحظته وقلبى غادٍ حْراقه=ضفيرة القلب ملتمسه ومحتاسه
سبحان رب خلق هالخلق خلاقه=مملوحةٍ من قدم رجله الى راسه
زود على الزين خف الدم واخلاقه=ما ظِنّ فيما خلق ربى من اجناسه
ودى بوصله ولكن شوفه اشفاقه=بينى وبين الحبيب حطوا حراسه
ياليت يا ليت لو كلمة ورا الطاقه=من قبل ينهار مبنى عقلنا ساسه