ياهلي حل يومي

[روح التميمي]

ياهلي حل يومي من عذابٍ طويل=ودّعوني وداع فراق قبل الممات
ودعوني ترى عيشي غدا مستحيل=عقب فرقى وليفي وش تفيد الحياة
أربع سنين جرحي في ضميري نزيل=يلتهب في فوادي وين أنا والنجاة
ما تشوفون حالي مثل حال العليل=مقدر أنقل من أسبابه خفيف العباة
لو بغيت أتصبر صار صبري قليل=والله إني على فرقاه ما بي ثبات
في ضميري جروحٍ كل ساعة تشيل=ذاب قلبي وصبري طال ويش السواة
يوم قرب المواصل صارعني يميل=يالله إني دخيلك عن كفاف الشفاة
أكتب خطوط وأرسل ما يجيني بديل=وأتمنى ولا ألقى من يجيب الوصاة
صد وأقفى وقاطعني بليا دليل=ما رحم لي عيونٍ بالخفا باكيات
يالله إني طلبتك وأنت راع الجميل=ترحم اللي تعلق بين موت وحياة