خذ ماتبي لك الحق يا زين

[فـهـ التميمي ـد]

خـذ ماتبـي لـك الحـق يازيـن=ملكك وتقدر تاخـذ اللـي تريـده
خذ ماتبي ياقـرة القلـب والعيـن=عبدك ولاللعبد عن طـوع سيـده
وش مطلبك قلي وانا اقول هالحين=ابشر مطالبـك ابعيونـي زهيـده
مطلبك حاضر لو يذكر ورى الصين=حبـك يقـرب لـي بـلاد بعيـده
اشعرني ان الحب من بين الاثنيـن=بنك الهوى بالقلب ترفـع رصيـده
شيبت راسي قبـل سـن الثلاثيـن=واصبحت عند الناس مثل الفقيـده
صياد ماهر في قلـوب المحبيـن=ارجوك ترفق في حـرارٍ تصيـده
اما اتركه سايب يـرف الجناحيـن=والا اجعله يهنى بعيشـه سعيـده