هنوف طبعها نهب القلوبي

[روح التميمي]

سـقى دمعي من العبرات ثوبي=بعد ماجرح الخدين هاوي
أغض الطرف أقول للعين توبي=وحذرا عن رديـين الهقاوي
تقول الناس ذولا هبّلوا بي=وحدوني على درب المـناوي
إنا إن صديت ضـيعت الدروبي=وهذي عادة عيون الشقاوي
قبلت اعذارها لو شمتوا بي=عواذل طبعهم نــشر العزاوي
وأنا وإن غاب عني قمت أهوبي=مع العالم وأنا كلي بلاوي
وألا ياكثر مابانت عيوبي=ولااسمع هرج نقال الدعاوي
أصم أبكم وأكابر لو حكوا بي=مدام إن حبها أمرٍ سماوي
ياليت إن والده عايش عزوبي=وخطبة أمها هرج الشفاوي
ولاجا بينهم ظبي عجوبي=وصاروا هم سبب ذبح الهواوي
هنوف طبعها نهب القلوبي=وتغري منهو بوصله رجاوي
أسوق الرجل له تقل مغــصــــــــوبي=وأصوّت بالبلد كني خلاوي
وإلى هبّت من الشرق الهبوبي=أشم بريحه علاجٍ يداوي
وقام القلب يرجف في جنوبي=وضيق الصدر صاير له مخاوي

[نجم2002]

صح السان الشاعر
وتسلم يالغالي

[حـآدي الوجـد]

سلمت أخـي روح التميمي..

والشـاعر غنـي عن التعريف ..

والقصيده أكثـر من رائـع ..,

[روح التميمي]

المشاركة الأصلية كتبت بواسطة نجم2002

صح السان الشاعر
وتسلم يالغالي

شكرا لك أخوي نجم

ومرورك وتعليقك شرّفا الشاعر والناقل

تقبل تحياتي وتحيات الشاعر

[روح التميمي]

المشاركة الأصلية كتبت بواسطة حـآدي الوجـد

سلمت أخـي روح التميمي..

والشـاعر غنـي عن التعريف ..

والقصيده أكثـر من رائـع ..,

صدقت أخوي حادي الوجد .. أبو علي مشهور

وكل قصائده عذبة عذوبة روحه


شكرا لك ومرورك شرفني

تقبل تحيات حمد الهقاص وروح التميمي