قصيدتين لعبدالعزيز السليم ( الخرطه )

[ماجدونا]

على نبنوب ريان = تخطراه الرعيـه
حمل حص ومرجان = عناقيده طريه
تخضع مطرق البان = وراه ومقدميه
نعم في ظل بستان = تلاعي مورقيه
وانا واياه جيران = زمان زل غيه
نساه الله تناسان = ولا ادري بالدعيه
شعب قلبي وخلان = ولا به رحميه
عليل منه سهران = لو عيني شقيه
على طفل تبلان = وانا ما لي خطيه
خطف قلبي مسيان = ولا عود عليه

***

آه من قلب ذكر حيه = كل ما جا الليل ومساها
صاحبي لا تقطع الجيه = خابر فرقاك ما اقواها
واعشيري مخلف النيه = ناعم الاطراف ما انساها
كنها عين الضيا حيه = صكها البارود واخطاها
يوم هجت تلتفت ليه = تدفع الرجلين بخطاها
هج قلبي تابع غيه = مع طريق الصيد واغداها
وانتهى بروضٍ خلاويه = يابس ماها ومرعاها
دار قلبي دورة الفيه = يوم حن ادناه واقصاها
مثل وردٍ فوق مطويه = ناشفٍ عقب المطر ماها