الاعب بالهوى عذرا مليحه

[ماجدونا]

الاعب بالهوى عذرا مليحه = ذرير الملح ينثر من شعاعه
قضيته يوم لي نفسٍ مريحه = زماني بالهوى يطرخ شراعه
انوح بجانب الدار الفسيحه = الا يا دار يا دار القطاعه
اعيد ترابها واشم ريحه = بخبري يوم صبيان الشجاعه
واباقف فوق مطوي ام شيحه = على حد القليب من الرفاعه
واصوت واتبع العبرات صيحه = على دار حوت حزن الجماعه
اعزي حيهم والله يبيحه = واجدد حزنهم في كل ساعه
الهي رحم الروح الجريحه = ابجثة مسلم مثل الوداعه
سقى حمر العداين والصفيحه = ابمزن الصيف ما يعطى مناعه
تهشـّم وانتثر واقبل طفيحه = بروقه تاخذ القلب الرعاعه
من القلته الى صفحى مطيحه = زما فوق النفود من الوساعه
ونرجي خالق النفس الصحيحه = يقيسونه ولا يلقون قاعه