غردن الشفايا

[روح التميمي]

غردن الشفايا

أشرق مساه .. وغردن الشفايا = طربانة يا زين حمرة طربها
حلو النبا وإن ودعته الثنايا = يلقى على جمر الشفايف عتبها
صافح بعطره كل حب وتحايا = ونظرة ذهولٍ باللقا ما طلبها
أبي الحلا وأثري لقيت الحلايا = وجه سرق من كل عينٍ عجبها
الله عطى والله كريم العطايا = وهايبٍ بالزين ربي وهبها
ما هيب ميزة يا كثير المزايا = واللي حسبها كلها .. ما حسبها
ليلة لفى واستقبلته الحنايا = كل العيون بكاس وجهه شربها
شفته ودونه من تسوق المنايا = عين تخج القلب رعشة هدبها
يا نجم ليلٍ ما بقى له بقايا = وشلون تسري في جبينك عربها
من غبت ساري . . تحتضنك المرايا = صورتك كلٍّ في خياله سلبها
أشرق مساك وغردن الخفايا = منتب سبب ، لا والله إلا سببها