الليال الحزينة

[روح التميمي]

الليال الحزينة

جيتك من أعماق الليالي الحزينه = أرجوك يكفي روعة القلب منها
قلبي ملاه الخوف وأبي السكينه = عطني نهارك يبعد الخوف عنها
مريت باوقاتٍ على القلب شينه = سود الليالي تجرح اللي سكنها
ناداك قلبٍ موقدٍ به حنينه = فرحة زمانه في عذابه دفنها
مسافة الحرمان بينك وبينه = ليتك تقصر في حنانك زمنها
روحي ثمينة والله إنه ثمينه = وبالوضع هذا خايف أدفع ثمنها
الهاجس اللي شالني في يمينه = أقفى بقلبي بين كف ورسنها
أنت الهوى وأنت البلد والمدينه = والروح دونك تغترب في وطنها