هني من قرّب ذلوله

[ماجدونا]

هني من قرّب ذلوله وشالي = عن ديرة فيها برا الدوب حاله
ما همني دين ولا جمع مالي = ولانيب مسكين تجاول عياله
بلاي يوم اذكر عشير صفالي = يفز قلبي حين يطري مجاله
والبارحه ونّيت مما جرا لي = ونّت كسير يوم تكرب حباله
وعديت في رجم رفيع زما لي = وبكيت لين الراس هضّم زلاله
على عشير بان منه الجفالي = والعذر مني يدّعي في رجاله
والمهتوي يقدر على كل حالي = اللي يبي لو ما يجي له عنا له
من عافنا عفناه لو كان غالي = لو هو يريف القلب شوفة خياله
لو هو صديق لي قريب موالي = من دوّر الابدال نلقى بداله
يا نفس طردك للمقفي هبالي = مانيب من يطرد سمارة ظلاله