مرثيته في والده
يالله عليك العوض وانت العوض ياعامر الكون=يامن له الطير في روس الغصون يسبّحنّه
تعيضني خير وتبدل علي الكود بالهون=عبدك ضعيفٍ ونيبان المصايب ينهشنّه
واكبر مصيبه بعد جوني ببوعسكر يعزون=يالله تجبر عزاي وتسكن المرحوم جنه
علمٍ لفاني فجيع ومنه انا مانيب ممنون=كنه رصاصٍ علي قلبي واذاني يسمعنّه
يالعين لا تجزعين من القدر والدرب مسنون=مانيب الومك ولكن الدموع يضايقنّه
وادعي له بخير جعله عن لهيب النار مصيون=عسى حسانيه بالقبر الوحيش يونّسنّه
وانا الى شفت طفلينٍ صغارٍ مايهرجون=تغورق العين دمعات المروفه والمَحَنّه
يالله مدك وعونك ياجزيل المد والعون=نرجي فضايلك ما نرجي من المخلوق منّه
امنت بالله ومبعوثه وحكم الكاف والنون=ماقدّر الله راضي به ونفسي مرجهنّه
رضيت حكمه وتدبيره لوان القلب محزون=يالله ترحمه وتعوض محاجيرٍ بِكَنّه
عودٍ من اللي صلاة الصبح عنها ما ينامون=يقومون الفروض ويلحقون الفرض سنّه
ياسعد عينه يبي يلقى ثواب الله مضمون=كافح وجاهد لمَا سود الليالي باغتنّه
والحمد لله كل الناس له بالخير يدعون=حرٍّ سبوقه الى رام المراجل ينهضنّه
أوي والله فقيدة في تراب العود مدفون=يالله عسى حور جنات النعيم يجاضعنّه
آمين يامن له الحجاج في بيته يطوفون=يرجون عفوه وغفرانه وتوفيقه ومنّه
2007, 04:09 PM
المواضيع المتشابهه
العرض العادي
