ليــت الليــــالي

[ابوسحر]

يالعين هاذي سوايا الشوق=عبرات وادموع دفّاقه
هلي دموعك على المعشوق =عزي لمن صار عشّاقه
زين الحلايا رفيع الذوق =جذّاب قلبي وسرّاقه
طَفلٍ خذاني بغير احقوق=الاّ هوى القلب واشواقه
ليت الليالي لها منطوق=تعطين الاخبار وش عاقه
داره خلت واظلمت بالسوق=ياشين سوقه من افراقه
ياناس وش حيلة المخلوق=بالحب لاصار ماطاقه
الحب للمبتلي به عوق=هني من مات ماذاقه

محبكم
ابوسحر