ضاقت الدنيا بعيني

[المظلوم]

السلام عليكم

هذي قصيده اعجبتني وحبيت انكم تقرونها

قلبي اللي ما بعـــد ذاق للراحــه طعــــم = يوم واحد ولله إني مـــا خبـره ذاقهـا
عايشٍ ما بين هـــمٍ شديــــــد وبيــن ألـم = يالله إنك ترحـم الحـال يـــــا خلاقهـا
أرحم اللي جســم حاله غدى مثـل القلـم = تلعب الأريـاح بـه لعبهـا بـــأوراقهـا
أنبرى مما يــرى من ظليمه مــــن وهـم = من هموم طاقها القلـب محـــدٍ طاقهـا
لي ثمــان أسنين أو أكثر على ساق وقدم = ترعـد المزنـة ولا لآح لـي بــــراقهـا
أتجبــر و أتصبـر لا يـا صبـر النـــــــدم = ضاقت الدنيا بعينـي وضــاق إخناقهـا
مـــن هوى اللي حبها بي قوى يلقا مهـم = سايق الأقدارفـي قدرتـه لــــي ساقهـا
جـــادلٍ سبحان ربٍ خلقهـا مـن عــــدم = مع حلاوتها حلـــو خلقهـا وأخلاقهـا
أرسلت من طرفها الأحور الساحر سهم = سهم سم العشق مـن طرفها مـا عاقهـا
صوبت به قلب مخلوق مــــن لحـمٍ ودم = وألهبت رق المشاعـر وحـر أشواقهـا
أحسب أن القلب يســــلم ولكن مـا سلـم = صابته وأستبد لـت وصـــلهـا بفراقهـا

للشاعر المبدع
محمد الأحمد الناصر الشايع

تحياتي
المظلوم

[عطاشا]

مشكور اخي المظلوم على هالقصيدة الجميلة
والله يعطيك العافية
تحياتي

[YsOrI]

يعطيك العافيه قصيده رائعه

[المظلوم]

السلام عليكم

هلا وغلا
عطاشا ـــــــــــ الخاطوف

شكراً على مروركم وتعليقكم

تحياتي
المظلوم

[ريان]

يسلمووووو قصيده ولا اروع
تحياتي لكم..

[عبدالرحمن العقيلي]

مشكور اخوي المظلوم
والله انا سمعت ان محمد الاحمد عنده قصائد
جميلة لكني لم اتوقعها بهذه القوة فعلا القصيدة
تدل على شاعرية قوية اتمنى ان تتحفنا بالمزيد
من قصائده ولك خالص التحايا
اخوك
شاعر

[المظلوم]

هلابك أخوي شاعر

شاكر مرورك وتعليقك
وابشر بسعدك

[مزاجي]

قصيده رائعه من ابوناصر
واختيار اروع من المظلوم
مشكور وماقصرت

[حيران]

مشكور اخي المظلوم على هالقصيدة