يالله من مدات جـودك يبـا الجـود(سليمان ابن شريم)

[عطاشا]

قصيدة رائعة للشاعر سليمان ابن شريم رحمه الله تعالى

يالله من مدات جـودك يبـا الجـود === ياعـالـم بمغـيـبـات اللـيـالـي
تفرج لقلـب عـن مناويـه مـردود === عليـه مـن غـارات بقعـا ميالـي
على عشير بـدل الولـف بصـدود === والولف حنت لـه قلـوب الجمالـي
انا له اشفـق مـن خلـوج لمفـرود === وهـو وسيـع خاطـره مايبـالـي
جحدت حبه يوم انـا اقـواه بركـود === امسي بذ كره واصبح الصبح خالـي
كني صحيح وخاطري منـه ملهـود === والناس مايدرون انا ابخص بحالـي
وشلون اطيب وخزنة القلب ماجـود === لاصـار ماماجـود شـي بغـالـي
عليـه اجـدد سنـة العبـد مسعـود === لين اشتهـر بيـن الخلايـق هبالـي
ماذاق من ضيم الليالي على السـود === ذقته على اللي مثل عنـق الغزالـي
اصفر عفر خلاني امشي بـلا قـود === بامـره تقدينـي سمـارة ظـلا لـي
الى ذكرت اشقر على الردف مرجود === مثل الد ويرع فوق حسـن الدلالـي
ولجلج بصقرات محاجيرهـن سـود === واهنف وضيـع حيلتـي واحتوالـي
بيني وبينـه حبـل الادراك ممـدود === والهـرج بابـه مـدفـع مايكـالـي
ياعود ريحان علـى جـال راقـود === من حيث مامالت بـه الريـح مالـي
بغيـت منـه بغفلـة النـذل عنقـود === يبرد لهيب القلـب عقـب الهمالـي
اشفق عليه وكـل ماجيـت مـردود === دربه وحل ماهـوب دربـه عدالـي
يسعى بفرقى صاحبي كـل مقـرود === اما حكى له فـي والا حكـى لـي
وشاهدت مما قـال حمـاد لحمـود === من غاب عن عيني سلا عنـه بالـي
يابو حمـد لاتقطـع الهـون بالكـود === عساه مايجري لك اللي جـرى لـي
ان مت ماحصلت لي منـه مقصـود === تـراي عنـده خبـروا بـي عيالـي
وصلاة ربـي عـد ماشـدوا القـود === او ماهمل وامطر حقـوق الخيالـي
والأل والاصحاب ياصاحب الجـود === ياعـالـم بمغـيـبـات اللـيـالـي

[العالمي]

تسلم لي والله اخوي عطاشا على القصيده وصح لسان سليمان بن شريم
وياليت اخوي عطاشا تتاكد من البيت هذه
ياعود ريحان علـى جـال راقـود==من حيث مامالت به الريح مالي
كان فيه اخطاء مطبعيه والا انا غلطان
انت اخبر بالشعر

[YsOrI]

الله يعطيك العافيه ياعطاشا .... وانا شاك بالشطر الثاني

[عطاشا]

اخوي العالمي ـــــــــــــــــــــــــــــــ الخاطوف
البيت مافيه شي
وهكذا نقلته
الله يعافيكم وشكرا لكم
تحياتي

[عبدالرحمن العقيلي]

اخوي عطاشا
الله يعطيك العافية وماقصرت اختيارات
ترتقي بالذوق وبن شريم ولااروع في كل مايقول
وبالنسبة للبيت فهو صحيح 100%
ياعود ريحان على جال راقود
من حيث مامالت به الريح مالي
والراقود يعني بركة صغيرة في المزارع القديمة
عندنا في عنيزة ولكنها الان غير موجودة
واللي عنده اي سؤال يخص الشعراء تراني مستعد
وحافظ اشعارهم كلهم وبالذات اللي غنى لهم الطيار
اخوكم

شاعر

[عطاشا]

اخوي شاعر
شكرا لمرورك وتعليقك على الموضوع
ولك اجمل تحية

[المظلوم]

السلام عليكم

تسلم ياعطاشا على هالقصيدة الرائعه

تحياتي
المظلوم

[ابو سلطان 6]

ماذاق من ضيم الليالي على السـود==ذقته على اللي مثل عنق الغزالي
اصفر عفر خلاني امشي بلا قـود==بامره تقديني سمارة ظـلا لـي
الى ذكرت اشقر على الردف مرجود==مثل الد ويرع فوق حسن الدلالي
تسلم اخوي على هالقصيدة الرائعة ونت دائما رائع
تحياتي اخوك ابو سلطان

[weld_alriyadh]

يسلمووووو خيووو ما قصرت

تحياتي لكم .....

[طاوي الشوق]

تسلم يا 0000 ومشكور
وربي يسلمك يا 0000