هذه القصيدة الوجدانيه للمرحوم حمد المغيولي .....
ياوجودي على اللي ساكنٍ بالوزاعي *** وجد من شيل مفلس عن طريق السفاره
يوم ضيّع فلوسه باع باق الاواعي *** شيل في ثوبه اللي قاطعينٍ زراره
قيل وين الجواز قال بالبار ضاعي *** واكتفته الحفيظه وابرقوا للوزاره
ذا وجوده وانا وجدي للوجد داعي *** يوم أقول آه واعزاه ماهي خساره
اتوجد على راع العيون الوساعي *** وجد من ساقه الديّان واجتاح داره
يوم قالو بأمان الله صبح الوداعي *** رحت بدري وانا صدري تكسر اعباره
آه قصدير قلبي من لظى الحب ماعي *** من سموم الفراق ارث بقلبي حراره
ياطويل المعنّق لك عيوني تراعي *** واترجاك فرصه لو تجتني زياره
انت فيك الحلا والملح ماهو صناعي *** فوق خدٍ تخانق مع بياضه حَمَارَه
2004, 02:57 AM
المواضيع المتشابهه
العرض الشجري