عنيزة

[ياسر التميمي]

عـــنيزه



عند الجـــــــناح أرخيت مدّة جناحي
وعــند الغضا مديت للشوق جنحان
يا عـــــاشق عنيزه بعشـــقٍ مباحي
نخيل عشقك بينها ورود وأغصان
ما دام لك قلب إلا نمــــت صــــاحي
هذي عــــنيزه ســــاهره بين خـلان
من يعشـــــق دياره بود صــــراحي
لا ما تلومه لو بكى غـــربة اوطان
وقفت اناظر ليلتي في صـــباحــــي
واســـائل الشمس البهيه عن أزمان
انســـــابت القصة بأول مراحــــي
واحــترت وين انهي تباريح سهران
هذي قصيم العــــز مدن وضواحي
في قربهم امــزان تزدان بامـــــزان
إن رحت مهما رحت تلقى وشاحي
يظللك بالحر وبالبرد دفـــــيـــــــــان
من وين ما قبّلت شــــهدٍ قـراحي
ومن وين ما قـــفّيت حســرات انسان
انسان إبن الأرض والهيل فاحي
من غرفـــة ضـــاقت ولا ضاقوا اخوان
اخوان عاشوا صــحبة بارتـــياحي
وارتاحت الكلمه بأوزان فنان
وشلون ابانسي طــــيّباتٍ ملاحـــي
اللي لهن بالقلب أشـعار وألحــان
هن مترفـات الغيد بيضٍ وضـــاحي (سمر ملاحي)
مزيّنات الزين بإحساس و إحسـان
هن ملهمات العطر ولحظ الرماحي
هن بهجة الأيام وعـقود مرجـان
جعل القصيم الديم عند السراحي ...
وهتانة الســحبان في أرضها الآن.




يا حليلنا يالقصمان ....

قالت عـــــنيزه عن بريده غدت بك
وفي قلبي الثنتين هـــذي وهـذي
قالت عيونك عن كلامك وشت بك
قلت العفو ماهيب هـــذي ولا ذي.ـ
قالت صدوق الروح ويا زين كذبك
ما كنت في سيحك ظليل الملاذي
وهاجرت ثم اخترت مكان لقلبك
وشربتها رشفات طِعام لذاذي
خبرتها إني على أطراف بربك
أعدد الخطوات جوار الجواذي
قالت تعبت أجاهدك واختبر بك
وصخرتك صمّى وقلبك رذاذي
ماطر جفافك بين شرقك وغربك
وصبري على لاماك قريب النفاذي
سكتت ما عبرت ولا قلت وش بك
وناظرتها لحظات وقلبي جذاذي
أقفت ومالت ويا قليبي عذابك
قصة حياتك في جراح الغواذي.







[/SIZE]