على شط الغرام (نبطية)

[روح التميمي]

.
.

على شط الغرام اللي عليـه الشـوق جمّعنـا=رسمنا في رماله قلب فيه اسمك وفيه اسمـي
وتحته يا غـرام الـروح بالإخـلاص وقعنـا=بنقطة دمي ابقسمك ونقطـة دمـك ابقسمـي
صحيح إنه على رمل تجيه الموجـة الرعنـا=وتمسح شكله الساحر تزيله ابشكـل رسمـي
تزيله صورة وتعجز تزيـل الرمـز والمعنـى=لأنه يسري ابدمك ويسـري دم فـي جسمـي
تعاهدنا ومـوج البحـر شاهدنـا ويسمعنـا=وصوت الريح واغيوم السما لا ساقها الوسمي
دفنا سرنـا الخافـي ومـن عقبـه تمتعنـا=ودفن السر به ميزة إلى جت حـزة الحسمـي
عيون الناس من حولك وحولي بس تطالعنـا=تحاول تقرا طالعنـا وحنـا حيـل نبتسمـي
تقاسمنا الغلا كلـه وصـدق الحـب طابعنـا=وسحنا في غرام ما تطوله لوحـة الرسمـي
عسى الله لا يفرقنا وعـن الحسـاد يرفعنـا=أنا لك بالهوى قَسمك وأنتي بالهـوى قَسمـي