عزيلكم ياهل الكبـود المعاطيـش

[روح التميمي]

قصيدة الشاعر (حمد بن عبد الرحمن المغيولي )رحمه الله ,
عندما وقعت له بعض المشاكل مع رئيس بلدية " تبوك "
وبعض المسؤلين فيها في ذلك الحين :

عزي لكم ياهل الكبـود المعاطيـش = تولجوكـم ناشفـيـن الكـبـودي
تولجوكـم لابسيـن الطرابـيـش = فطس الخشوم اللي سوات القرودي
قالوا تعيش بهالبلد قلت ما عيـش = أعيش في ديرة صلايب جـدودي
دارٍ لنا ما تنكـر الملـح والعيـش = له مطرحٍ بين الجبـل والنفـودي
دارٍ سقتها مرزمـات المراهيـش = غرّ المزون مدندنـات الرعـودي
ربعي إليا عدوا هل الخيل والجيش = دون الحمى والدار ربعي تـذودي
دارٍ حكمها الفار والهيس درويـش = خله لهـم والحـق لازم يعـودي
وين الشيوخ اللي بروسه نغاميش = تمضحلت مـا كنهـم بالوجـودي
والله يا لولا اللي لا هاش ما هيش = سيف السعود مطهرين الحـدودي
إني لابيّن لك مصير أبرق الريش = ذاك الدخيل المستهين الحسـودي
يوم أنت تامرنا وتنهى على ويش = مانت بسعودي يا لعين الجـدودي

[عزيز نجد]

رووح التميمي يامال العافيه على هالرائعة من ابو دحيم الله يرحمه رحمة واسعه وكل اموات المسلمين . بس ياخوي الظاهر ان فيه البيت الثاني تقل انه مهب هو لاني سمعته من لسان ابو دحيم الله يرحمه وخصوصا صدر البيت والا وش رايك انت ؟؟؟؟

بيض الله وجهك وماقصرت ... فمان الله

[إنسان جريح]

رحمة الله على الشاعر

[sau_1295]

مرحوم يبو دحيم