قصيدة في الشاهي

[ماجدونا]

يوم سموّه شاهي حطه الله نفاد = للدفين المخامر والحلي والنقود
صار طعم لنا والطعم طيره يصاد = فيه يدرب على كل الحوال الشرود
ما كذب من يقوله كل هذا وكاد = وان بغا احد يكذّبني لقينا شهود
ما حلا بالبياله صبّته بالركاد = طاير له رغاة مثل در الصعود
مثل دم النحر بين الحمر والسواد = شيرته تقعد اللي في منامه ينود
احسب ان ما يحبه غير حضر البلاد = والبوادي على شانه تشدّ القعود
صار كار لكل الناس وهو المراد = جعل هجن تجيبه ما تجيها اللهود
قالوا الناس يحدث خافقٍ بالفواد = مير ما رخصنّه ناقشات الخدود
اظهر المحصنه واللي بحكم الحداد = جعل يوم بلي فيه العرب ما يعود
استوى طالب النوماس به والسراد = والرخم والصبايا ناقضات الجعود