قضى العمر (( صوتيه ))

[بواقي جرح]

قضى العمر يا ظالم وأنا أقول عنك اقفيت=والا شفت زولك بالصدف هلت اعياني
مشى القلب في ظلك يباريك لو صديت=ولو عفت حبك يوم ما عفته الثاني
أنا ما قويت أنسى حنانك ولا ظنيت=سألتك بربك ويش كلفك نسياني
وأنا أشوف زلاتك بعيني إلا زليت=وش اللي يفيد الشوف والقلب عمياني
أخذت العزاء مني ولا قلب لي خليت=وأنا من هواك اليوم حبيت حرماني
عطيتك حياتي يا قمرها ولا رديت=أبي منك لو نظرة ترى هجرك أشقاني
أبي قلبك القاسي وراضي بما سويت=تعاتب وتجرحني وتامر وتنهاني
لك الحب مشاني أنا في هواك إبليت=أحبك ولو صديت يا كل خلاني

الشاعر المرحوم : عبد الله بن عبد العزيز العليوي