ذكرى الشيخ محمد الصالح العثيمين " رحمه الله "
عــامٍ مضى والشيـخ بالقلب موجـود=ذكــراه تبقــى صـفــحةٍ بـالفــوادي
خَمْسَةْ عَشَر شوال باعْوَام واعْقُــود=تسرق مع الذكرى لذيذ الرقادي
لــو طـالــت الايــام في عِــزّ واسْــعُــود =مثل الامَــام الشيــخ ويـن السِّــدَادي
لاَجْلَ العثيمين انْشِد الطِّفل والـعود=وَاهْلَ التّقى وَاهْلَ الوَرَع والرشادي
كـلٍّ عليه امْطَـاوِل الحزن ممـــدود=يسْتَرْجعـون اومِـلْهِـم الصَّـبْـر هــادي
سوق الشِّرِيميه من الحزن مســدود=يلبس مِعِه سوق الجديد الحــدادي
في كـل وقــتٍ بين ناشــد ومنشـــود=بــالــقـــايــلــه والا بـــوقـــت الـبـــرادي
مايطوي النِّسْـيَـان لـه كل مجهـــود=ايــضــا ولاتَــدْلَــه قــلــوب الــعبــــادي
الخيـر في وجهـه من الديــن معقـــود=والجِّــد والاخــلاص والاجــتــهــــادي
في منهجٍ واضح عن النقص والــزود=مِنْـهَ التَّـواضـع شِيمتـِه بالوكــــادي
بالمعهــد العلمي لـه الجهــد مشهـــود=والمسجـد الجـامـع بـذكــره ينــادي
جماعــة التَّحفيــظ لــه خيــر مــردود=عند الحسـاب اومفْزِعـات التَّنَــادي
مـن يِسْتِلــم مَسْـعَـاه بـَـايَّامنا الســــود=ايـَّـام يِـفْتـِـي بــالفـضــا كــل غــادي
مِـثـْلِــه قليـل اومَـنْهَــل الـعـلـم مــــورود=واللِّي علـى السَّاقــه يـنــال المـــرادي
عنيزة – 15 / 10 / 1422 هـ
العرض الشجري