لو تلتفت (( صوتيه ))

[بواقي جرح]

لو تلتفت ياناوي الصد وتشوف=تلقى بدال فراقنا حل ثاني
يشدني حبك ويبعدني الخوف=ضيعت في رجوى حنانك زماني
حاولت أصور ماخفى عنك بحروف=لقيت حبك فوق كل المعاني
أنا على قربك شفوقٍ وملهوف=أقبل وتبعد خطوتك عن مكاني
اللي بقلبي لك من الود معروف=حسيبك اللي في هواك ابتلاني
ياقلب ماظنك على ذاك موقوف=بليت بالي باعني ماشراني

المرحوم الشاعر : عبد الله بن عبد العزيز العليوي