¨¨¨°~*§¦§| طلال السعيـد & عبدالله العليــوي |§¦§*~°¨¨¨

[أحبه حيل]

قصيدتـان الأولـى للشاعر الكويـتــي طلال السعيــد بعنوان

" الله يرحم حبنـا "

والأخرى معارضـه من شاعرنـــا الأكثـر من رائـع

عبدالله العليوي - رحمه الله

وهي بعنوان " داويت بالنسيان " .

°~**~°°~**~°°~**~°°~**~°°~**~°°~**~°°~**~°°~**~°°~ **~°
°~**~°°~**~°°~**~°°~**~°°~**~°°~**~°°~**~°°~**~°°~ **~°


¨¨¨°~*§¦§| اللــــه يــرحم حبنــا |§¦§*~°¨¨¨

الله يـرحــــم حــــبــنـا اللي قـــتـلـتـيه
جـفـت دمـوعي والبـقـا في حـيــاتـك

ياللاســـــف كـل الاســـــف مابكـيـتـيه
انتي الغــرور اعـمـــاك مـع حــب ذاتـك

انتي بــديـتي الحــــــب وانتي نهـيـتـيه
اقـــــري عـليه الفاتحـــه في صــلاتـك

انتي رعــيـتي الحـــب وانتي طعـنـتـيه
تـوني دريـت ان الغــــدر مـن صـفـاتـك

انتي شــــريت الحــــب مـني وبعــتـيه
عـسـى الثـمــن يكــون سـبـت غـــناتـك

انتي بـنـيـتي الحــــب وانتي هـــدمـتـيه
الله اكـبــر مـــــن يســـــوي ســـواتـك

انتي رســمـت الــدرب بـس مامشـيـتـيه
اعـمـــــاك عـن درب الغـــــرام التـفاتـك

انتي كــتـبـت العـهـد وانتي مسـحـــتـيه
محـــــــاولة تـزويـــر في ذكــــرياتـك

مـــرة لبـسـتي الحــب مـرة فـصخـتـيه
هـــذا الهـــوى لاتحـسـبـيـنه عـبــاتـك

قـلـتي احـفـظـه تـذكـار واقــول مابـيه
تـذكــار حــبـي هــو شــــهادة وفـاتـك

خــلي جمــــالك يـنـفـعـك واسـتـغـلـيه
روحــــي ورا اللى قــال لك ياحـــــلاتـك

اخـذي الهـوى وياك ليـــش احـتفـظ فـيه
يمكــن يجـي لـه يـــوم يهـــدم حــياتـك

" طلال السعيــــد "

°~**~°°~**~°°~**~°°~**~°°~**~°°~**~°°~**~°°~**~°°~ **~°
°~**~°°~**~°°~**~°°~**~°°~**~°°~**~°°~**~°°~**~°°~ **~°

¨¨¨°~*§¦§| داويـــت يالنـسيـان |§¦§*~°¨¨¨

داويت بالنسيان قلبٍ جرحتيـه
دفنت أنا حبي وتبقـى حياتـك

ياللي قتلتي حبنـا مارحمتيـه
أنتي تحسبين الهوى حب ذاتك

ياللي سمعتي بالهوى ماعرفتيه
أنتي تبين الحـب درب لغناتـك

نسيت حبك ضاع كل الرجاء فيه
يكفيك عن حبٍ مضى ذكرياتـك

درب النهاية بختيارك مشيتيـه
لا تذرفين الدمع هـذي سواتـك

عهد الهوى اللي بيننا ماحفظتيه
رماك في بحر الضياع التفاتـك

باقي بقايا حبنا اللي رفضتيـه
ترى المحبه ماتوافـق صفاتـك

مليت أنا مشوار حبٍ رسمتيـه
قلبي يعيش أفراح ذكرى وفاتك

" عبدالله العليوي - رحمه الله "