منتب على خبري (( صوتيه ))

[بواقي جرح]

منتب على خبري تغيرت بالحيل=مهوب قول الناس شوفة عيوني
مثلت لي دور المحبين تمثيل=رح كمل المشوار هالحين دوني
دامه حصل بالوضع يازين تبديل=في عزتي للنفس هجرك يهوني
ماقلت يوم أقفيت ماطولك ياليل=مابيك دام الغير بك شاركوني
شكيت جرحٍ من سواياك لسهيل=لاشك نجم سهيل زود شجوني
مليت أنا ما عاد أبي منك تعليل=خلك مع اللي في هواك إحسدوني

المرحوم الشاعر : عبدالله بن عبد العزيز العليوي