وهذه ألقيتها مساء يوم الثلاثاء 2/4/1429
في
مهرجان الفنون والثقافه والتراث بعنيزه
تحيرت من وين أبتدي ويـش أبقـول=ومهما طرقـت إمـن المعانـي قديمـه
أبي كلمةٍ من عقل وتخاطـب اعقـول=الى أبديتها ترضي السمـوع السليمـه
كثير الكـلام يكـون سامـج ومملـول=الـى صارمالـه ذوق قلـه غنيـمـه
كلامٍ بلـى معنـى ومغـزى ومدلـول=ضحالة هجوس اللي هجوسـه عقيمـه
لكـن يالله إنـك مستعـانٍ ومئـمـول=تقـدي خطانـا للطـريـق القويـمـه
سلامي على اميرٍ له الشكـر موصـول=تواصـل محبـه واحتـرام وحشيمـه
نسوقه من الفيحاءعلى الرأس محمـول=سواة السحاب اللـي تكاشـف نظيمـه
من عنيزه التاريخ والصـول والجـول=بهمـة محافضهـا قـوي العزيـمـه
يلاحـظ بعينـه كـل ثابـت ومنقـول=بدم الشبـاب وحـثّ خطـوه هميمـه
لما إزدان وجه الدار بالعرض والطـول=وبانـت ملامحهـا وذعـذع نسيـمـه
سلامٍ ماهـو هـرجٍ منمـق ومعسـول=من اقصى عروق القلـب والله عليمـه
عرفناك أميرٍ صـارمٍ سيـف مسلـول=على الظلم حتـى انـك تـرد الظليمـه
وعرفناك صاحب حس مرهف ومصقول=ولمّـاح تلمحـهـا بلـيـا وسيـمـه
وعرفنـاك مسئـولٍ ولا كـل مسئـول=يانجم القصيم اللي سطع فـي قصيمـه
تحت بيـرقٍ بالعـز والعـدل مفلـول=على صدر أبو متعب عسى الله يديمـه
يارأس الهرم ماهو هرم مصر ابو الهول=هرم نجـد حمّـال الحمـول العظيمـه
رضيناك واللي مارضى يشـرب التـول=ولا للزعامـه غيـر رأس الزعيـمـه
وقولوا لشرذمة الردى الـدرب مقفـول=بترنـاك ياعضـوٍ تـزايـد وريـمـه
ولا عاد لك حيله ولا عـاد لـك حـول=سوى انك تجّرع مـر طعـم الهزيمـه
ولن عدتوا الكرّه ترى الحبـل مفتـول=ولاتنسحب من رأسهـا الـى البهيمـه
وصلاتي وتسليمي على خير مرسـول=رسول الله اللي راضـعٍ مـن حليمـه
العرض العادي
