كتب زميلنا وصديقنا الشاعر العذب الأستاذ / عبدالرحمن الرشيد
ومن لا يعرف عبدالرحمن الرشيد ؟ إنه صاحب القصيدة العذبة
ثوبها بعيونهم ثوب الزفاف=وثوبها بعيون خفاقي كفن
قال أبو بدر تعليقا على موضوع الشاعر ابن حصيص في مجلس عنيزة
اقتباس:
المشاركة الأصلية كتبت بواسطة عبدالرحمن الرشيد
رائعنا روح التميمي
هيضت اشجاننا بخديد ساره
ومن في نجد من لم يتغنى بها ؟
وجدت هذه القصيده لابن حصيص ضمن اوراقي المبعثره عسى ان تضيف لكم شيئا :
لو الأيام تنكس لي سريعه=ولي دنيا تبجحني وسيعه
تمنيت إن لي بيت فسيح=رفيع به منافع رفيعه
ومال ما يدبره المدبر=غزيز يغني النقري سبيعه
وديوانه باب يشرّع=عليها مثل وراد الشريعة
وحرّاس عن الوارب حفظها=كما حفظ الأمانة مع وديعه
ونار ضواحها يدعي المسيّر=ونجر يجذب الغادي رميعه
وفوق النار صفر متعباتي=شقى من بالهوى نفسه وليعه
وفنجاله على بكر يسوّي=بهاره هيل واشكاله فنيعه
زباد وزعفران وخلط عنبر=غريب ما شروه من المبيعه
وصبابه إلى صبه وداره=كما دم المعاليق القطيعه
كما نقش الغدان بكف عذاد=تعلّه عندك عنقا تليعه
مع صحوت عليها الحيل ترمى=بزاد يشبع القوم المجيعه
أببذل في حياتي واتفضل=واجازي للمصانع عن صنيعه
مضى هذا وابي فرعوب عندك=أبا خن وتغيرها فريعه
عفيفة جيب مجمولة حلايا=سميحة خاطر لامري مطيعه
إلى دبرتها في حاجة لي=قضتها بالتعطف لي سريعه
بلطف وانعطاف وحسن منطق=وعقل وميز مع حسن الطبيعه
ومع هذا لها خد يقادي=قمر خمسة عشر يوضي لميعه
وعين يوم تدفن بي نظرها=تقل يجرد بها اسياف وريعه
وخشم مثل حد النافعية=بكف مشبب يوم الوقيعه
واشاف كنها سلك البريسم=خدع راعي الهوى فيهن خديعه
|
العرض المتطور