يوم عديت بالمرقاب شرق الرفيعه = شفت جول هوى بين الخنق والبدايع
جول ريم تحدر من فجوج وسيعه = باغي مرتع عشبه من الوسم مايع
يطرد الحزن ويداوي هواه وربيعه = هو دواء قلبي اللي مبليته الروايع
منوة اللي يداوون القلوب الوجيعه = ما شكى لاهب الجوزاء ولا هوب جايع
وكان سندت للهيشه وقصر الربيعه = وان تحدرت تلقى باردٍ بالشرايع
فيه ريم تجول جعلها للقطيعه = تشتري بالهوى وتبيع موت القطايع
قلت يا زين بعني من جمال الطبيعه = واغزلت بالعيون اللي تسوق الوقايع
ما عرفت انها عيّت ولا هي مطيعه = واقشر السوم ما حصل كبار البضايع
باعوا الناس والمطلوب ما حل بيعه = حرموه المناجس مخلفين الطبايع
آه واقلبي اللي ما بقى الا سبيعه = مصبحٍ ما علي خلاف وامسيت ضايع
ما خبرنا رفيع البيت يذبح منيعه = ضاع سلم العرب مع مخلفين الودايع
يوم طاح الشرف ساقوه لم المبيعه = والبسوه الثياب السود لبس الشنايع
قام حزب الردى يسكر وينكر جميعه = من بني ماش فضلت مزهب من جمايع
كلما قلت زانت خربوها سريعه = جمعة ولف الشيطان منهم نزايع
العرض المتطور
