لـك ماتبي

[المظلوم]

السلام عليكم

وهذي إحدى روائع الشاعر الكبير محمد الأحمد الشايع

لـك ماتبي وأمرك على العين والراس = حاضر و ناضر بالعيون الحقيقـه
لـو أتأخر يـا حبيبي على النـاس = عليك و الله مـا أتأخر دقـيقـه
شي تعرفه من عـرفتك لـه أساس = عليه معطيك العهـود الوثيقـه
يـا جوهـره يالـول يـادر يالماس = يـا عسجد ماقـد تغير بـريقه
ما عندي أولى منك يـا عطر الأنفاس = ياللي العسل والقند من ذوب ريقه
ولآبه أغلى منك يا زاهي الألبـاس = عندي وكل له نظر في عشيقه
شوفك يزيل الهم والغم والبـاس = و يجلي عن الخاطر خطر كل ضيقه
وصدك يخلي صـافي البـال ينحـاس = و يشعل بصندوق الضماير حريقه
دام الرجـا ما حال من دونـه الياس = و الوصل له تسعين حل و طريقه
عذب الغرام الحر من يدك بـالكـاس = قـم أسقنيه الله يسقي سويقـه

تحياتي
المظلوم

[عبدالرحمن العقيلي]

شوفك يزيل الهـم والغـم والبـاس
و يجلي عن الخاطر خطر كل ضيقه

وصدك يخلي صافي البال ينحـاس
و يشعل بصندوق الضماير حريقـه


مااجمل هذه المقارنه والتي مايقولها الا شاعر متمكن
مشكور المظلوم
ولك تحياتي
اخوك
شاعر

[ريان]

يعطيك العافيه من روائع ابو محمد.

[ابو سلطان 6]

الله يعطيك العافية

[عطاشا]

الله يعطيك العافية على هالقصيدة الجميلة

يا جوهره يالـول يـادر يالمـاس = يـا عسجـد ماقـد تغيـر بريقـه

ما عندي أولى منك يا عطر الأنفاس = ياللي العسل والقند من ذوب ريقـه

روووووووووووووووووووووووووووعة

[المظلوم]

السلام عليكم

هلابكم
شاعر ــ ريان ــ ابو سلطان6ــ عطاشا

شاكر لكم مروركم وتعليقاتكم الرائعه

اخوي ريان للمعلوميه الشاعر محمد الشايع يكنى بأبو ناصر

تحياتي
المظلوم

[دمعه]

مشكوور اخوي المظلوم قصيده رائعه للشاعر الكبير احمد الناصر
وأحسنت في الاختيار

[المظلوم]

السلام عليكم

(مشكوور اخوي المظلوم قصيده رائعه للشاعر الكبير احمد الناصر
وأحسنت في الاختيار)

انتي اللي مشكوره
بس الشاعر ماهوب احمد الناصر

(الشاعر محمد الأحمد الناصر الشايع)

تحياتي
المظلوم