مـــا قـيل فـــي عنـــــيزة ( 3 )

[ابوسحر]

قال البطل الشاعر : علي بن رشيد الخيّـاط ( راعي البندق )يفتخر بأهل عنيزة ورجالها . سنة 1270هـ

يادارنا لا ترهبي يومك سعيد=حنا حمـاة الدار ..وشـبّ اشـعالها
هذي عنيـزة ما نبيعة با لزهيد=لافرّعـنّ البيض نحمى جالهـــا
دونك ودون الغيد مخضــر الجريد=نروي من الضد الحريب سلالها
يا مـا ذبحنا دون غضّــاتٍ تميد=جنا يز ترمى ولا احد شـالها
لو جبت عناز وشمّـر و ا لرشيد =ونجـدٍ جميعه دقّــها وجــلالها
جبته وخلّـيته كما حلـقة حديد= شرق وجنوب وغربـها وشمـالـها
الدار دونه لا بــةٍ تحمى الطريد=صعب على كل العدا منا لها
كم سـابق يـوم اللقا جريه يزيد=عاد اتنا ضربه وضرب امثـالـها
تا طا حديد وفوق راكبها حديـد =تـوطّـته مركوبته بنــعـالـها
عيّـنت وين الجـرو تكفى لا تحـيد=قل لي تعـشّـته الضّـرا وعـيالها
ياشيخ ياللي ما طلع مثلك وليد=لا رفّـعـنّ الخيل شهب اذيـالـها
الشيخ مثلك مـا يحايد من بعـيد = يارد على دارٍ بـكو نـزا لها
لي بندق ترمي الـلّـحم لوهـو بعيد= ما وقّـفت با لسوق مع د لاّ لها
خماسي رصاصهْ سـتّـة اشبارٍ تـزيـد= ملح الجريف محـيـّلٍ يعبــا لهـا
ربعي هل الطولات والباس الشديـد= خـطرٍ عـزايـمهـا تهدّ جبالهـا
اولا د علي هم عما عين الضديــد = عقّــا لـها يوم الوغى جهّـالهـا
وان كان تبغى الحكم فالراي السديد = ادحم على الديرة وحضّـب جا لـها
قطع النخل مهـوب عيب والوقيد =العيب با للي ما يتــمّ اقــوا لـهـا
الله يجـازي كل جـبّـار عنـيد =منّـا ومنـكم يوم عرض اعـمـا لها

محبكم
ابوسحر

[عطاشا]

من اشهر القصائد التي قيلت في هذا المجال وانا اعرف القصيدة ولا اعرف صاحبها
شكرا لك اخوي ابو سحر على حرصك باختيار القصائد المميزة

[دمعه]

الله يعافيك يابو سحر لانعرف كيف نشكرك لموافاتنا بالنادر لأجل هذا المنتدى الرائع بوجودك والزملاء ....

[ريان]

ياسلام عليك يابو سحر عزالله انك وفيت وكفيت ,,
اخوك ريان,,

[المستشار]

تسلم يمناك اخوي ابو سحر وما قصرت يالغالي

[ابوسحر]

اشكركم اعضائنا الكرام على تعليقاتكم


واتمنى لكم دوام التوفيق





محبكم
ابوسحر

[YsOrI]

قصيده رائعه ,,, للخياط ولكن لها قصه ياليت تقوله ؟ ؟؟

[أسير الحب]

مشكووووور ابو سحر ويعطيك العافية

[فتى باريس نجد]

يعطيك ربي العافية أخوي ،، وماقصرت ..



دمت بود