الغــزال العـنـــــدلي

[روح التميمي]

رحماك يارب العــــــباد المعتلي=يالواحد الفرد الصــمد ياخير هاد
تلطف بحال اللي غدا متبـــــهذلي=يضحك وناره كامنه تحت الرماد
بلوى بلتني ذا الغــزال العـنـــــدلي=عرفي لها من بعد مطوي المهاد
شقرا خفيفة دم نستــني هلـــي=وصارت محبتها حريبة لـــلرقاد
إن نمت أقول الليل ليته ينــجلي=والصبح أقول الليل يعطيني سهاد
ضاقت بي الآفاق محــــــد لدّ لي=والنور بعيوني تغشاه الســـــواد
ياليت لي قلب يطيــع ويــــــنزلي=على مهب الريح يطــــرقه البراد
من شان ضيقات البلاوي تنجلـي=وتقضي ليالينا بقصة شــهـرزاد
مدري أنا حظي ردي من أولــــي=أو إن كل الناس مثلي في جـهاد
أقسمت ما بالناس مخلــــــوق بلي= إلا أنا مجنونها بيـــن العـباد
تزايد الأشواق وناره تصـــــطلي=واطفّي النيران ويشـــعلها الوداد
لعل ميّت حبها عــــند الـــــــولي=يكتب شهـــــيد يوم ناتــيه انفراد

21/6/1426هـ