يالصيدلي عندك دواء للمجاريح

[روح التميمي]

المشاركة الأصلية كتبت بواسطة حمد البادي

وهذه غزليه لابو محمد*

يالصيدلي عندك دواء للمجاريح=للي جروحه بالحشا داخليه

جروح من راع العيون المذابيح=له نظرةٍ تورد لحوض المنيه

خلوني ارقى بالطويله وابا اصيح=اغديه يوحيني ويعطف عليه

اجاذب الونه بروس اللحاليح=وارتاح لا صديت بارضٍ خليه

انشٌد العربان واقوم واطيح=ضاعت مداويري بنجد العذيه

ماغير افرك باليدين المسابيح=واسهر على الفنجال والشاذليه

عليك يالمملوح سيد المماليح=اللي من اسبابه حياتي شقيه

سلٌمت بيدينك جميع المفاتيح=وضحٌيت بي من قبل عيد الضحيه

لعبت بي لعب البحر بالسبابيح=وعجزت اقاوم لو عزومي قويه

مالك ورا كثرت عذابي مصاليح=ياكبرها يازين منكم خطيه

* نقلا عن الشاعر حمد البادي