اقتباس:
|
المشاركة الأصلية كتبت بواسطة منص&الرياض
البلاوي لا بلى الله لي حبيـب=في زمان شيب اللي ما يشيب
اثر بعيون المها رمح عطيـب=ما توقي له قويات العظــــــام
هاضني مضمون مكتوب لفان=من لبيب بالفصاحه مكلمــان
شاطر باللفظ وفنون البيــان=يشتكي هجران مردوع الوشام
واجزم انه يوم يشكي لي مصيب=والعذارى غدرهن ماهو غريب
مير ما للحب وجروحه طبيب=غير ما حط الولى حدر اللثــام
لا تخل الريم من قل السلاح=الحبايل هي مصاييد المـــلاح
حط فخك في مقيله والمراح=تدرك اللي ما تنوله بالسهام
يا صليب الراس وان زاد العناد=دام لك مرغوب في سمح المقاد
كيف تفلت منه ياطير الهداد=يوم هايف لك وجت لك بالولام
ما مكنت الوقت من قبل الفوات=يوم صار انك تبي عنق المهات
قبل تقتنصها عطيبين الرمــاة=وان تاقع بالخسـاره والمـــلام
ما اقتديت بغيص دانات البحر=لا جلها يارد على الموت الحمر
عرض النفس النفيسه للخطر=لين حصل ما لنفسه من مرام
والحكــايا ما لنا بطوالهــــا=موجـب إنه زال في ظلالهـــــا
واجه اللي معطيك بفالهـــا=وانتبه للســــانحه بالك تنــــام
لا تخايل زول خل عنك فات=بالعـذارى من شكل مي ميـــات
لو تبدن من خباهن سافرات=خجلن الشمس والبـدر التمـــام
ارسل الدايه لعالين النسـب=واخطب الحسنا ومثلك من خطـب
وارخص اللي يطلبون من الذهب=بالكحيله لا تحسف بالحطـام
خذ نصيحة صاحب شفق عليك=ما يبي ضيم من الدنيا يجيك
المقفي لو جبينه كالتريك=لا تهقــوى تتبعـه عـده عــــــدام
لو كحيل العين وضاح الجبين=ترتجي لا ماه يا ذرب اليميــن
كان اشير تبع مظهوره واعين=لين نقضب راس نضوه بالخطام
تم ما جوبك وما تطلب علي=صابـر به دمت حي وانت حــــي
مستعـد لك تراي بكل شـئ=والســلامه والبقــا لك بالختـــــام
* القصيده للشاعر الاستاذ/ عبد المحسن بن ناصر الصالح رحمه الله يرد بها على أحد أصدقائه.
|
ــــــــــــــــــــ
العرض المتطور