ضحكة البـــرق

[ســعــد]

المـوت لاهـب الهـوى و الهـوى شـرق=وأهدانـي الشـرقـي نسـايـم عـطـوره
و المزنـه اللـي تشبـه لضحكـة البـرق=في وصفهـا مـا يـدرك الحـرف صـوره
شيهانـةٍ تـروي عطـش ضامـي الطـرق=يغيـب و تصيـر السبـب فـي حضـوره
مـن حـرّض النهريـن و التّبـع الـزرق=غير النعـاس اللـي ثنـى أهـداب حـوره
يـا سـارق الألبـاب مـن حلـل السـرق=قبـل القمـر يفضـح دجـى الليـل نـوره
أضرم سبات الهجـس و أغرانـي الحـرق=يعنـي حـدث فـي عالـم العشق ثورة
قلبـي علـى كفـي اليـا ناحـن الــورق=بالضبـط أنـا يشبـه شعـوري شـعـوره
و العـام مثـل اليـوم مـا بالغـلا فــرق=ليـت الشعـر زلـه ويرضـي غــروره
يـا ( ابو عوض ) راحت سنين العمر درق=مـن لوّحـت كــن الـديـار مهـجـوره
و إن عنّـت الفكـره لرحـب الخيـال أرق=و العود لولا الجمـر مـا أنعـش بخـوره
قلـت الحميّـه مــا تـعـذر ولا عــرق=طيـرٍ يغـرد خـارج الـسـرب شــوره