مريت دار لي بها العــام خلان
مريت دار لي بها العــام خلان=ولقيتهــا مثلــي عليهم حزينه
سألتها يادار وش لك والاحـزان=الحزن ماهو لـك ولا تلبسينـه
خليه للي حطه الدهر نيشــان=وقت وقف له عن يسار ويمينـه
خليه للي صار للحزن عنـوان=من يوم شاف فراق خله بعينـه
يادر شفتي كيف وقتي تحـدان=وابعـد بخلاني شمال المدينــه
فيهم فرحت وفيهم الوقت اشقان=قلــوب الحبايب لعبة في يدينه
انا أشهد إن الوقت يادار خـوان=معنـا يخون وكلنــا واثقينـه