[روح التميمي]

( قصر العين ) في العوشزية

المشاركة الأصلية كتبت بواسطة صحفي عنيزة

( قصر العين ) في العوشزية

هذه أبيات نبطية قالها الفقيد : عبد الرحمن إبراهيم البطحي - رحمه الله -
متذكرا ( قصر العين) الواقع في قرية العوشزية , وأمهرها بتوقيعه في يوم 13-11-1424 هـ .
وهو القصر الذي كان مقرا لأمير العوشزية (علي المحمد المطرودي - رحمه الله )
و استقبل فيه الرحالة الأمريكي الجنسية , اللبناني الأصل (أمين الريحاني )
عندما زار منطقة عنيزة مارا بالعوشزية .

وقد أهدى - رحمه الله - الأبيات إلى الأستاذ (ثامر العلي المحمد المطرودي) .

ياقصر ياللي بالسما طال مبناه=قامت على سلوم المراجل مبانيه

مرت أجيالٍ والكرم ما تعداه=مهّرج بابه يهلي بعانيه

ياما ضعيف ضَدّه الوقت ينصاه=يلقى البشاشة والغدا والعشا فيه

عند الرجال اللي لهم بالبلد جاه= عند المطاريد النشاما المداليه

الله يرحم من وسَم بك سجاياه=من كل عودٍ ما تعدد حسانيه

لو كان امين(1) اللي نصابك بملفاه=مرّك بها اليوم هلت عباريه

متذكرٍ علي المحمد ومنداه=وجارك اللي حول ناره تقهويه

* (1) - أمين الريحاني .
-------------
*[ نقلا عن الأخ الأستاذ / عجيب والله , في موضوعه الجميل :؛؛؛ قرية العوشزية ؛؛؛ ( دراسة تاريخية موثقة بالصور )
مع خالص الشكر والتقدير .

من إضافات الزميل صحفي عنيزة في مجلس عنيزة