هنــا طرق بين علي العبدالرحمن الماجد وعبدالعزيز الحمد البادي ( رحمهم الله )
ابو ماجد
الليله الظاهرانه عيد والبارح اصيام اقيام = ان كان تصلح وسيمه فالوسيمه رهن عشاقها
وان ما لعبتوا عليها يا جماعه ما عليكم ملام = نبي اطروق القصيم اللي الى هالحين باوراقها
عبدالعزيز
الليله الليله الليله على الآفاق غطى العسام = يخطي الضريبه ولا يقدر يحق الشوف تفاقها
والصبح باكر الى جا العيد مغطنا احبال المقام = والورد بالذوق ما يخفاه حب العين وافراقها
ابو ماجد
تراي ببحث معك حيثك امن اللي يحسنون الكلام = اصير بيديك مثل الطاره اللي بيد سواقها
يذكر لي انه على بير الحياة اخلف عليك الوذام = ذقت المراره بهالدنيا وقبلك واجد ذاقها
عبدالعزيز
كان انت تنشد فهو ماهوب خاف عنك حمض العلام = يجري القضا والقدر والنفس في تدبير خلاقها
وذا طريق تبي تمشيه رغم الود كل الانام = لاشك لي نيه باللطف رب العرش ما عاقها
ابو ماجد
عسى ذلول شريتوا هالليالي ما يبي له اخزام = حيث الركايب قليله والحرق والغبن باسواقها
يا كثرهن مير وين اللي تشيل الحمل شيل المسام = الفرق ماهوب هين فرق موترها وطقطاقها
عبدالعزيز
من منة الله على المخلوق توفيقي بناس احشام = واللي ذكرها جهل ما قط هو شافه ولا ساقها
ما غير تذكر مع العربان مثلي اذكار طيف الحلام = وزيد افهمك عن في عشيتها ومشراقها
ابو ماجد
نفرح الى من حظك يابو عسكر بالميادين قام = عسى فوالتك منها عيله تبلشك بطقاقها
نفرح لكم بالمعزه والهنا والفطر عقب الصيام = الله تكفل بهالدنيا وبالعالم وبارزاقها