[روح التميمي]

العيد والله فرصةٍٍ.. للمحبين=لك فرحةٍ.. يا عيد هزّت كياني

لاجيتنا يا عيد صرنا متهنين=فيك الوصل .. وانت البشر والتهاني

ليت الدقيقة فيك يا عيد يومين=ما دام نور الولف يملا مكاني

شفت الحبيب.. وخفت من دمعة العين=تفضح سروري بواحدٍ قد جفاني

خليت لوم القلب يا عيد بعدين=كلّش نسيته.. يوم ولفي نصاني

سلّم.. وصار العيد بالقلب عيدين=ردّيت.. وردّي.. مدري من وين جاني

كل عام وانت بخير.. يا قرّة العين=أنت الوداد .. أنت الغلا والأماني

ليت الموادع.. ما يجي بين قلبين=يكّفي.. عذابٍ من غيابك لفاني

يا مرحبا.. يا عيد الأحباب واهلين=طابت خواطرنا.. بطيب المعاني