هذا موضوع سبق أن كتبته عن الشاعر الكبير متعب التركي ونشرته في مجلس عنيزة ويسرني أن أنشره هنا .
صديقي وزميلي الشاعر الكبير المبدع العذب (عباس بن أحنف) الشعر النبطي الفذ / متعب التركي . . يعرفه الكثيرون , لأنه نجم لامع في سماء الإبداع , ويملك حسا مرهفاوقلبا ذائبا , ومشاعر متوقدة , خصوصا في مجال الغزل . . الغزل الجميل الذي يكتسب جماله وعذوبته من رقته ومعانيه الشعرية , وألفاظه العذبة السهلة , وصوره المجنحة المدهشة القريبة البعيدة , تلك الصور التي تجعل الإنسان يفغر فاه إعجابا ودهشة وتساؤلا عن كيفية غياب مثلها عن خيال الأقدمين والمتأخرين . . صور عذبة كأنها حفظت على مر العصور لتسجل باسم (متعب التركي) . . وهذا ليس كلاما منمقا للاستهلاك الإعلامي , بل حقيقة ستتجلى لكم عندما أعرض لكم شيئا من إنتاجه . . إن لمتعب في الغزل فتوحا , وإذا كان الغزل بناء شامخا ذا غرف وأرجاء ودهاليز ومقاصير لها أبواب موصدة , وكل شاعر عذب يملك مفتاح غرفة من تلك الغرف فإن متعب التركي ومن غير مبالغة يملك مفتاحا واحدا فقط , يسمى ( مستر كي)! . . متعب التركي ـ وسترون ـ يذكرنا بمبدعنا الراحل المأسوف على شبابه المرحوم / عبدالله العليوي . . ولا عجب فصدق المشاعر يجمع بينهما كما يجمع بينهما رهافة الحس , والتصوير المتقن , والمفردة المتفردة في الغوص إلى أعماق التأثير , وربما كانت المعاناة الصادقة هي المحرك الأساسي في خلق صور الإبداع بينهما وإن كانت عند العليوي أكثر ظهورا !
متعب التركي . . شاعر خسره الإبداع الغزلي لأنه معتزل أو شبه معتزل في الوقت الحاضر . . عاش أكثر حياته في الكويت ثم استقر به المقام بعد حرب الخليج في موطنه ( حفر الباطن ) . . يقول لي عن سبب اعتزاله إنه بعد حرب الخليج توقف لمدة ثلاث سنوات وأصبح خارج التغطية ـ والتعبير له ـ ليجري مراجعات على حياته فالتزم دينيا , وغمرته نفحات الإيمان فشغلته عن الشعر والغزل . . وقد جرى بيني وبينه حوارات حول الشعر والاعتزال فتبين لي أنه محبط من واقع الساحة الإعلامية المخطتفة من قبل طوائف شللية تهتم بنوعين من الشعراء : من يدفع , ومن له علاقة خاصة بالقائمين على المطبوعة . . وربما كانت هناك أسباب أخرى لكنها لا تخرج عن مصلحة الإعلامي , ونحن نرى ونشاهد الآن أن هناك مجلات مختصة تفرد الصفحة والصفحتين لمن يمكن تصنيفهم في أي مجال من مجالات الحياة إلا الشعر ! بينما تجد في الصحيفة نفسها صفحة خصصت للهواة وفيها مالا يقل عن عشر قصائد لعشرة شعراء أسوأها أفضل من قصيدة صاحب الصفحتين ! لماذا ! للأسباب المذكورة. ويقول متعب أنا لم أظلم من الإعلام , بل أخذت منه نصيبي , لكن يسوؤني أن أرى المبدعين يهمشون والناظمين يقدمون ! قلت : ماتراه حاصلا الآن إنما هو ترجمة لقول المرحوم / محمد البراهيم السيف (من شعراء عنيزة توفي 1384هـ ) :
توي شباب ودوك راسي قلب شيـب=من هالزمان اللي برتنـي عكوسـه
الوقت هذا خايف(ن) منـه ومريـب=هذا زمان (ن) مـا قرينـا دروسـه
وقت(ن) به الحصني بدا يفرس الذيب=يمشع مداسم هبرته فـي ضروسـه
حتى الكروان استوى لـه مخاليـب=يشهر على طيـر الهـداد ويدوسـه
والحمرة تجلـس بعـال المراقيـب=والحر الأشقـر بالطهـارة جلوسـه
والآن إلى شيء من إبداع متعب ( والقصائد منقولة من موقع شظايا أدبية ) :
توديع الاحباب مثل الموت له سكره=ادمي جروحي وشق الصـدر منيّـا
والقلب طير(ن) ضلوع الآدمي وكره=لاشاقـه الطلـع لاسلـم ولا حيّـا
مصير الاحزان تنسانـي وتفتكـره=ماكل الايام بيض وسمحـة محيّـا
قل غيرها منت لامجبر ولا مكـره=لاصار ماهو غلا مابيلـك احميّـا
لوفي يدي شي ماقلت الوعـد بكـره=حزمت حدب الضلوع وقلتلك هيّـا
لوكل غالي تجي دايم علـي ذكـره=ماصرت اشوفك هناك وحبك هنيّـا
ياليتني لابغيت اكره قـدرت اكـره=ماكان قلبي اليا جيت اكرهـك عيّـا
مادامك معيف رح لكن علي فكـره=ماقلتلـى ليـه دمعـك سـال منيّـا
قالوا حبيبك يسمع الشعـر قلـت إيـه=يقـراه بعيونـي قـبـل تسمعـونـه
لولاه حتـى طـاري الشعـر مابيـه=ميراكتبه من شـان خاطـر عيونـه
هو روح شعري وامنياتـه وماضيـه=جذع الشجر وش كان لولا اغصونـه
اكتب لغيـره والقصايـد تجـي فيـه=كـن القصايـد حالـفـه ماتخـونـه
هذاك لامنـه زعـل قمـت اهاديـه=حتى وهـو مخطـي تعـذرت دونـه
يمكن لوانـه يلمـس الجـرح بيديـه=يستغـرب ان اللـي لمسهـا طعونـه
ابطى وهو غايـب وزلـت حراويـه=وأنـا مـن العـام اتحـرى مزونـه
هومادرى اني فـي غيابـه محاتيـه=ليتـه نشّدعـن حالـي اللـي يجونـه
وقلبـي اللـي تـوه افلـت عراويـه=كيف انسرق وضلوع صدري حصونه
عجـزت ارده كـن مانـي براعيـه=يوم انتثر شوقه وهاضـت اشجونـه
يبسـن عروقـه لكـن اللـي يعزيـه=ان اكثـر العالـم تــردد لحـونـه
خافـوا مـن الله لاتجيبـون طاريـه=لاصـرت انـا موجـود لاتذكرونـه
لـو كـل غالـي جابـه الله لغاليـه=ماشفت لـك مخلـوق تبكـي عيونـه
لاتنشغـل فينـي أنابحالـي ادرى=قلبٍ تعلّق فيك ينسى مـع الوقـت
اكثرمن اللي صارلي ويش يجرى=بين الرجاوالياس فكـري تعلّقـت
مثلي ولوشفته عن همومـه ازرى=ماقال ليتك في جروحـه ترافقـت
هاك القصايد لاتضايقت واقـرى=شف وشكثرفيها لبسماتك اشتقـت
أثرالوفا ينبـاع عنـدك ويشـرى=ماكنت اصدق فيك واليوم صدّقـت
يامشتهي فرقا المواليـف حـذرى=تبعد وأنا من سكرة الحب مافقـت
لاطافت الفرصه تحريت الاخـرى=وتروح ماكنـي عليهـا تشوقـت
ساري لو إن الليل مافيـه قمـرى=أشيل من حمل الهوى فوق ماطقت
لاصارحظ أقشروالايـام قشـرى=مافيه احد عاقل يلومك إلياضقـت
صحيح بعض الناس فرقاه بشـرى=وبعض البشرلاغاب ليله تضايقت
ليتك خذيت بليل الاحباب مسـرى=غربت من كثر الطواري وشرّقـت
السيل يبقاله على القـاع مجـرى=ويبقالـك التذكارلوكنـت فارقـت
اشوف لك من وين مارحت ذكرى=ولاشفتها صديـت عنهـا ودنقـت
ماكل جرحٍ لاخـذا أيـام يبـرى=بعض الجروح يزيد شره مع الوقت
هب الهوى غرب واجتاح الضلوع وشعرت=إن الليالـي الجميلـة هــب نسناسـهـا
مدري كبـر حلمنـا ولابعينـي كبـرت=والاهـي اوهـام ودي يصـدق إحساسهـا
تنسانـي أيـام وتجينـي متـى ماذكـرت=اليامتى وانت روحـي حابـس انفاسهـا
كنت أجمل احلام عمري بس ليه انكسرت=يـازيـن الاحــلام لوماينكسرباسـهـا
بيديك مديت لي كاس المحبـه iiوصـرت=أنا اول اللي يـذوق المـر مـن كاسهـا
من يومها وانت قدام عيني ولوماظهـرت=دايـم وعينـي تشوفـك بيـن جلاسـهـا
قدرت ولا علـى نفسـي معـك ماقـدرت=لازاد عنهـا غيـابـك زاد وسواسـهـا
لوشفت حال الورق والشعرعقبك عـذرت=اللي حرق صفحـة الماضـي iiوكراسهـا
ماكنت اصدق يجي يوم ابتسـم لانظـرت=أطلال ركـب الليالـي مـر ..ماداسهـا
والاأنت لوقلت لي نادم وجيـت اعتـذرت=كان اجمل ابيات شعري ينحنـي راسهـا
مافيه داعي توصينـي تـراي اعتبـرت=فرقاك ذكرى وشعـري علـق أجراسهـا
يكفيني البارح إني فـي عيونـك سهـرت=وقفـت بيـن العيـون السـود وانعاسهـا
إن رحت ماأنت اول اللي راح وان حضرت=قلـت الليـال الجميلـه هـب نسناسهـا