البارحه ماذاقت النوم عيني

[ابو سعد]

البارحه ماذاقت النوم عيني=همٍ بتنجيم ٍبفكرٍ بهوجاس
وأصبحت من غب السهر والونيني=جسمٍ برمة مجرمٍ عند حباس
صبرت لين الصبر بيح كنيني=و لا شفت لي من جملة الصبر نوماس
شابت عوارض لحيتي قبل حيني=وقنعت من عقب الفوايد بالإفلاس
من شوف دنيا تجهر الغافليني=ترفع ذنب وتطمن المتن و الراس
تبدلت هرج العرب بالرطيني =و قامت تجنس لي على سبعة أجناس
رخص الحصان ورخصو الطيبيني=وغلي الحمار و ما أشتبه له من الناس
وقام الردي يدحم بجنب متيني=وولد الحموله قام يمشي مع الساس
و قل الرفيق و قلو الغانميني=وكثر الحسد و أهل النمايم و الأنجاس
شان الزمان وشان وجه الضميني=و تغيرت كل الطبايع والألباس
والمال صار مع المره والدويني=و الطيب راح و قطّعت عنه الأرماس
و خليت كفوف مدلّهين الحزيني=واللي تورثهم شعر ساق وجساس
و الذيب جاع وكل ثور بديني= الحر برقع وأبرق الريش فراس
و ذل الجسور و كل حد السنيني=و تكشيف عرض الناس هو سهمة الناس
والمرجله نسخت مع المارتيني =و تعوضو عنها بخوصه و مكناس
و قام الردي يحشم مع الحاضريني=و الراس ديس و خدّم الحر أبا الحاس
وصار الصديق إهو العدو البطيني=شرف عليك و يصبح الصبح بلاس
و طرد الهوى بختوا به المفلسيني=شرّابة المصفاة طباخة الفاس
و ختام قيلي يها السا معيني=صلوا على المختار ماهل رجاس
والآل و الأصحاب و التابعيني=عد النبات و عد حصحاص الأطعاس

منقوووول