يا راكب من عندنا فوق قبون

[روح التميمي]

المشاركة الأصلية كتبت بواسطة إبن علي

هذه قصيدة بعثها الشاعر عبد الله السليمان بن حسن الى صديقه
عبد الرحمن المحمد الزامل بالدمام على سبيل الممازحة

يا راكب من عندنا فوق قبون=ينومس الركاب زين اهذبانه
أزبد وعينه كنها عين بزون=صفرا إيلا جاء الليل زاد بلصانه
أزبد آذانه واقفة كنه اقرون=أزبد وكنه لابس له غبانه
أزبد جنوبه يبلصن تقل مدهون=توه شباب مجوز خنفسانه
أزبد إيلا منه مشى تقل مجنون=عليه من بعض الجعول بيانه
لو هو بعيد ينتشي ريحة الحون=مناخره ما شفت قوا نشيانه
عليه قرم يقطع الدو مأمون=قرم يعرف السد مثل الأمانه
يمشي من عنيزة وممشاه بالهون=والصبح بالدمام من غير اهانه
تلفي لمن يهش بوصلك وممنون=عبد الرحمن اللي وسيع بطانه
سلم عليه وقل ترى القلب مفتون=وده يزورك لكن الشوف خانه
الناس بالديره يجون ويروحون=شكواي لله مير حسب الميانه
بينت لك عذري وحالي بها لكون=سبحان من دار الدواير بشانه
ويلا وصلك الخط فالبس له ردون=هٍم تحزم واجتهد في قرانه
إصحى تخلي الناس للسد يدرون=وحصانك اسمت لا ركبته عنانه
وصلاة ربي عد ناس يلبون=على النبي والخط وصلك بيانه

من إضافات الزميل سليمان الخطيب