فن عنيزة الشعبي
حِـيِّـيــت يــافَــنٍّ تـبــاشَــر سـعُــــوده=بــالـنـفــس والا بــالحصِيلــه كلافــه
لــه صَحْــوِةٍ حُــرِّه وظُـلْــــمٍ يــعُــــوده=شِــدُّوا حْـبَــالــه يــاهُــوَاة الـصـحَــافـــه
العيــب في وقـتـِـه بهُونــه وكُـــوده=إشْــرِف عـلــى السَّاحه يبِين اختلافـه
وقتٍ مضى صَفْوَ المذاهب يسُوده=مــافـيـــه جــمــعـيـِّـــه ولا بــه ضِـيـــافــــه
الــفَــنّ بــعـنـيــــزه تــقَـــــادح زنـُــــوده=مــن قَـصْــر دَمـشِـيــِّـه بـعَـثْـنَـــا مـطافــه
اللي نشَــر في نـجــد حـنـَّـا وقُــــوده=عــقـــب الـنِّـقِـيـلِـيـِّـــه بـــطَــــاره وقـــافـــه
أيـَّـام ابـن غـشَّــام حَــــرَّك ركُـوده=والمــهــتِـــدي بـــه جــاهِــزٍ بــاعــتـِـرافـــــه
الـسَّـامــــرِي مِـنَّـــا وفـيـنــا وجُــــوده=كــلٍّ يــغَــنـِّــي بـَـس ويـــن الـحَـــرافـــــه
يـامــا نـشَـا الـبــرَّاق تِــرْزِم رعُــــوده=في ســاحــــةَ الـخَــشْـمــا بـعَــام اللقـافــه
سُــوق الحوِيطِه ماضياتٍ عهــُـوده=يِذْكَــر عــن الدِّنْـدِن سوَالف طرافــه
يـوم الجنُـوبي ينتِظــر مـن يـقُــــوده=عن مجلس امِّ حْمَار خُوف اكتِشافه
في طقِّـةَ النَّـاقُــوز يـِطــرِب جـنـُــوده=وبْــشِيـلــةَ الـحــوطِــي يـبِـين احــتــرافـــه
من غيــر قـاصِــر في بِـقيَّـة وفـُـــوده=الــوقـــت ضَـيِّــق وافـزِعُــوا بــالإضـافــه
المـوجِــب ان الـفَــنّ عــاف البـــروده=لايَــسْــلــــب الــتـــيــَّـــار لــــذَّةْ عـــفـــافــــه
عـيــدُوا لـنــا عـهـــدٍ تــلالا عـقُــــوده=بَنْـــك الفـنـُـون بـجـيـبـكــم للـصِّرَافـــه
في لـيـلــــة الجمـعــه وحـنــا شهـــوده=عــقـــب الاخـيـــر امْـقـرِّبـين المــســافــــه
يــامــن يـقَطِّــع بـالحمــاســه قيـُـوده=مــاخــاف سُــوَّ الـظَّــن عـنــد الحِيـَـافــه
مـن صـان دينــه مــاتعــدَّى حــدوده=يــاحَــظّ مـن قــلـبـــه سـبـَح بــالنظــافــه
قــل للفَـرج صالح يوَاصـل جهــوده=مــعَ الرِّجـــال اللــي جــذَبْــهــم هـتَــافــه
الفــن امـانَــةْ جيــل شــدُّو عضــوده=فيكــم لابن غشَّام عــرش الخِــلافــه
رُوح الشباب بكل وقـت امْعَـدوده=تــبـعــث تــراث اجــدادنـــا للــثــقـــافــــه
ان ماحصل في كل الاحْوَال زوده=بــذل الجـهَــد في عِــرفِـنــا مــانــعـَـافـــه
للعــين نـظــره والـجهــود امْـحَـدوده=والــوقــت شَرْبَــك في يدينـه كتَــافِــه
16 / 10 / 1425 هـ
2007, 07:22 PM
المواضيع المتشابهه
العرض الشجري